Hela-Fatin

Kona-bá Portal Transparénsia Orsamentu Timor-Leste nian

Saída mak Portal halo

 

Portal Transparénsia Orsamentu Timor-Leste nian mak website ida halo ita ho interatividade bele:

  • hetan informasaun finanseira kompleta kona-bá oinsa’a gasta orsamentu nasionál
  • hetan asesu bá dadus istórikus no foun, nomos
  • hare’e tutuir progresu Governu Timor-Leste nia ezekusaun orsamentu.

 

Portal ne’e hetan atualizasaun lorloron, nune’e informasaun sempre atual beibeik.

Ema hotuhotu, grupu no parseiru dezenvolvimentu sira bele tama ba portal.

Portal Transparénsia Orsamentu Timor-Leste ne’e hetan lansamentu iha loron 15 Marsu 2011 hosi Sua Exselénsia, Primeiru Ministru Kay Rala Xanana Gusmão ho Ministra Finansas, Emília Pires.

 

 

Oinsa’a Portal ne’e funsiona

 

Bele hare’e orsamentu no despezas nomos bele hare’e tuun too ministériu no diresaun, programa, kategoria ka distritu.

Hodi hare’e:

  • orsamentu aprovadu hira (Orsamentu)
  • hira mak selu ona (Atuala)
  • hira mak rezervadu iha orsamentu maibé sidauk iha kontratu (Komprometidu), no
  • hira mak rezervadu iha orsamentu ho kontratu ona (Obrigasaun).

 

Ita bele exporta relatóriu no filtra rezultadus iha formatu PDF, Word, Excel, XML no HTML.

 

 

Saída mak ita hein atu htean ho Portál Transparénsia Orsamentu Timor-Leste nian

 

  • Sai nu’udar janela transparénsia ida ba Estadu
  • Halo informasaun finanseira hosi Governu atu sai relevante no kredível liu
  • Demokratiza desizaun governu nian liu-hosi ema nia partisipasaun barak-liu no diak-liu
  • Fó asesu livre ba informasaun Estadu nian
  • Promove kultura transparénsia iha Timor-Leste no iha sosiedade nia let
  • Tulun atu hatuun risku ba korrupsaun
  • Aumenta populasaun no investidór sira nia fiar, no
  • Populasaun bele kontrola diak-liu.

 

Baibain informasaun sira nune’e, organizasaun no ema senior sira de’it mak bele hetan. Ami fiar katak ema hotuhotu iha direitu ba asesu livre ba informasaun hirak ne’e.








Kona-bá Portal Transparénsia Orsamentu Timor-Leste nian | Pergunta Nebe’e Ema Baibain Husu | Presija atu Rejistu? | Termu uza nian | Direitus Autorais | Instituisaun Relasionadu | Ajuda | Legislasaun | Glosáriu | Iha tan konteudu